நிழலாய் தொடரும்
மரணத்தை
விலகி செல்ல வைக்கிறது
உன் நினைவுகள்...
01.02.2021.
4.30.2021
துளி - 320
தருணங்கள்
எல்லா தருணங்களிலும்
என்னால்
உண்மையை பேசமுடிவதில்லை
எல்லா தருணங்களிலும்
என்னால்
நம்பிக்கையோடு இருக்க முடிவதில்லை
எல்லா தருணங்களிலும்
என்னால்
தோழமையோடு பழக முடியவில்லை
எல்லா தருணங்களிலும்
என்னால்
காதலொடு இருக்க முடிவதில்லை
எல்லா தருணங்களிலும்
என்னால்
சுயநலமற்று இருக்க முடிவதில்லை
ஆனாலும்
எல்லா தருணங்களிலும்
மனிதனாக இருக்க முயல்கிறேன்.
01.01.2021.
துளி - 319
அவன்
புறக்கணிக்கப் படும்போது
பிறக்கிறது புது வருடம்
புறக்கணிப்பு புதிதுயில்லை
அவனுக்கு
புறக்கணிப்பை புறக்கணித்து
புறப்படுகிறான்
புதிய பாதையில்
புதிய நம்பிக்கையோடு...
01.01.2021.
இதற்கு குழுசேர்:
இடுகைகள் (Atom)