12.31.2019

பதிவு . 28

மெக்ஸிக்கோ - இளங்கோ
மனித மனம் புதிர்கள் நிரம்பியது. ஒரு புதிரை விடுவித்தால் மற்றொன்று, அதை விடுவித்தால் இன்னொன்று என நீண்டு கொண்டே செல்லக்கூடியது. இந்த புதிர்களை படைப்பாளிகள் தங்கள் படைப்புகளில் தொடர்ந்து பதிவு செய்து வந்துள்ளனர். ஆனாலும் இந்த பயணம் முடிவே இல்லாமல் நீளக்கூடிது.
பிரபஞ்சன் நினைவு பரிசு போட்டியில் வென்ற நாவல்களில் ஒன்றான மெக்ஸிக்கோ நாவலை இன்று வாசித்து முடித்தேன். இதனை கனடாவில் வாழும் ஈழ தமிழரான இளங்கோ எழுதியுள்ளார். தமிழ் நாவல் பரப்பில் அ.முத்துலிங்கம், ஷோபா சக்தி போன்றோர் பல உலக நாடுகளை பின்புலமாக கொண்டு பல படைப்புகளை உருவாக்கியுள்ளார்கள். அந்த வரிசையில் இந்த நாவல் கனடா, மெக்ஸிக்கோ நாடுகளை பின்புலமாக கொண்டு எழுதப்பட்டுள்ளது. உலகின் எந்த மூலையில் வாழ்ந்தாலும் ஆண் பெண் உறவு சிக்கல் என்பது பெரும்பாலும் ஒன்றுபோலதான் இருக்கிறது.
இரண்டு வேறு வேறு தேசங்களில் இருந்து அகதியாக வாழ நிர்பந்திக்கப்பட்ட ஒரு ஆணும் பெண்ணும் ஒரு புள்ளியில் சந்திக்கின்றனர். அவர்களின் உறவை சொல்வதின்னூடாக இந்த நாவலில் மாயா இன மக்களின் கலாச்சாரமும் பதிவு செய்யப்பட்டுள்ளது. நாவலின் இறுதியில் நாம் எதிர்பாராத திருப்பம். இப்போது நாம் வாசிப்பது ஒரு நாவலா இரண்டு நாவலா என யோசனை தோன்றுவதை தவிர்க்க முடியாது.
ஒரே மூச்சில் வாசித்துவிட தூண்டும் மொழி நடையை இளங்கோ கையாண்டுள்ளார். எளிமையான வர்ணனைகளின் மூலமே இடத்தை மற்றும் கதாபாத்திரத்தை நம்முள் தோன்றுபடி செய்துவிடுகிறார்.
டிஸ்கவரி புக் பேலஸ் பதிப்பகம் இந்த புத்தகத்தினை சிறப்பான முறையில் வடிவமைத்து வெலியிட்டுள்ளது.
தமிழின் முதன்மையான எழுத்தாளர்களில் ஒருவரான பிரபஞ்சனின் நினைவை போற்றும் விதமாக நடந்த இந்த நாவல் போட்டி வரவேற்கவேண்டிய ஒன்றாகும். இதை சாத்தியமாக்கிய அனைத்து நல் உள்ளங்களுக்கும் என் மனமார்ந்த நன்றிகள்.
வழக்கம்போல் இந்த நாவலை வாசிக்கும் வாய்ப்பை உருவாக்கிய நண்பர் Jega Deesan S - க்கு என் மனமார்ந்த நன்றிகள்.                                                                                                                                                                                                                                                                                                                                                                                                           31.12.2019

துளி . 265

கற்றதை 
மறப்பதுதான்
கற்றலின் 
உச்சம் போலும்.                                                                                                                                                                                                                                                                                                                                  30.12.2019

துளி . 264

இருள் சூழ் 
உலகிற்கு நீயே 
ஒளியாகிறாய்...                                                                                                                                                                                                                                                                                                                                     23.12.2019

துளி . 263

கொஞ்சம் பொறு 
கிழித்து எறிகிறேன் 
உன் முகமூடியை...                                                                                                                                                                                                                                                                                                                                       17.12.2019

துளி . 262

இது எல்லாம்
சாத்தியமே இல்லை
தீர்க்கமாக
சொன்னவனுக்கு
பதிலாக சொன்னேன்
நண்பா
இன்று சாதாரணம்
என்பதெல்லாம்
முன்பொரு காலத்தில்
அசாதாரணமாக இருந்தவைகள்தானே...                                                                                                                                                                                                                                                                                                                                  14.12.2019                                                                                                                                                                                                                                                                                                                      

பதிவு . 27

சாலையில் ஒரு சாகசப் பயணம் - சுரேந்திரன்.
அஜந்தா எலோரா வரலாற்று சுற்றுப் பயணம் பல நல்ல உள்ளங்களை அறிமுகப்படுத்தியது. இதை தொடர்ந்து இனி வரும் காலங்களில் பயணங்கள் மேற்கொள்ள வேண்டும் என்ற ஆவலை தூண்டியுள்ளது.
பயண 
அனுபவங்களையும் உடன் பயணித்தவர்களை பற்றிய குறிப்புகளையும் சிறு சிறு பதிவுகளா எழுத நினைத்தேன். இன்னும் எழுதவில்லை. ஆனால் விரைவில் எழுத விரும்புகிறேன். பயணக்குழுவில் அறிமுகமான Siva Perumalசாரின் உதவியால் ஒரு பெரும் பயண அனுபவத்தை சொல்லும் புத்தகத்தை வாசிக்கும் வாய்ப்பு கிடைத்தது. அதைப்பற்றிய சிறு குறிப்பு மட்டுமே இப்போது எழுதுகிறேன்.
அந்த புத்தகம் "சாலையில் ஒரு சாகசப் பயணம் - சுரேந்திரன் ". இந்த நூலை சுமார் இரண்டு மணிநேரத்தில் வாசித்து முடித்தேன். இது முழுமையான பயண அனுபவங்களை சொல்லும் நூல் அல்ல. ஆனாலும் அது பயண அனுபவங்களை அழகான புகைப்படங்கள் மூலம் பதிவு செய்துள்ள ஆவண நூலாகும்.
ஐந்து நபர்கள் ஒரே குழுவாக
14.09.2018 முதல் 24.10.2018 வரையிலான காலத்தில் அருணாச்சலப்பிரதேசம்,மேகாலயா, மணிப்பூர் மற்றும் அஸ்ஸாம் ஆகிய நான்கு மாநிலங்களில் பயணித்துள்ளனர். இந்தியாவின் முதலில் சூரியன் உதயமாகும் பகுதியை கண்டு களித்துள்ளார்கள்.
புத்தகத்தின் எல்லாப் பக்கங்களிலும் இயற்கையின் அழகை சொல்லும் புகைப்படங்கள் மற்றும் சிறிய அளவிலான பயணகுறிப்புகள் இருக்கின்றன. இதுபோன்ற பயண நூலை இப்போதுதான் வாசிக்கிறேன். இந்த அனுபவமே சிறப்பாக இருக்கிறது.
புத்தகத்தினை சிறப்பாக வடிவமைத்து நமது நம்பிக்கை வெளியீடு என்ற பதிப்பகம் வெளியிட்டுள்ளது. முதல் பதிப்பு இந்த ஆண்டுதான் (2019) வெளியாகியுள்ளது.                                                                                                                                                                                                                                                                                                                           13.12.2019.                                                                                                                                               

துளி . 261

சாதனைகள்
சோதனைகள்
எந்த நிலையிலும்
ரசனைகளை தொலைக்காமல்
வாழமுடிந்தால் போதுமெனக்கு...                                                                                                                                                                                                                                                                                                                               13.12.2019

துளி . 260

அகல் விளக்குகள் 
தீபமாய் ஒளிர்கின்றன
தேவதைகளின் தீண்டலால்...                                                                                                                                                                                                                                                                                                                                10.12.2019

துளி .259

கல் தூண்களின் 
காத்திருப்பு
கருணையாளனை
காணவோ...                                                                                                                                                                                                                                                                                                                                                09.12.2019.

துளி . 258

ஆசையோடு வாங்கி வந்தேன்
ஆசையை ஒழிக்க சொன்ன
புத்தனின் உருவ பொம்மையை.                                                                                                                                                                                                                                                                                                                                    03.12.2019.

10.28.2019

துளி . 257

தீரா தாபத்துடன்
என்னை தீண்டுகின்றன
உன் விழிகள்.

                                    24.10.2019

துளி . 256

உன்னை
புரிந்துகொள்ளவே முடியவில்லை
புலம்பும் நண்பனுக்கு
பதிலாக சொன்னேன்
நண்பா
என்னையே என்னால்
புரிந்து கொள்ளமுடியவில்லையே.

                                                                        22.10.2019.

துளி . 255

துப்பட்டாவால் வாயையும்
காதையும் மூடிக்கொண்டு
சன்னகுரலில் அலைபேசியில்
பேச தேவதைகளுக்கு மட்டும்
எப்படி சாத்தியமாகிறது.

                                                         21.10.2019.

துளி . 254

மழைக்கால காலைவேளை
பல மரணவீடுகளை
கடந்து பயணிக்கிறேன்
இன்றைக்கான துன்பம்
இதுபோதும் இயற்கையே...

                                                       21.10.2019.

துளி . 253

உன் உதட்டு
சாயத்துக்கு அடியில்
ஒளிந்திருக்கும் பேரன்பை
சுவைக்க துடிக்குதடி
என் மனம்.

                                                     18.10.2019.

துளி . 252

உன் அன்பின்
அடையாளமாய்
சில நேரம்
உன் வார்த்தைகள்
சில நேரம்
உன் புன்னகை
சில நேரம்
என் உடலில்
உன் உதட்டு
சாயகறை மட்டும்.


                                    17.10.2019.

துளி . 251

வீழ்ந்து மூழ்குகிறேன்
பேரன்பு பொழியும்
உன் விழிகளில்...

                                             17.10.2019.

துளி . 250

என்னுள் இன்பம்
பெரு வெள்ளமாய்
பெருகுகிறது அன்பே
எனை நோக்கி
நீ சிந்தும்
சிறு துளி
புன்னகையால்.


                                    14.10.2019.

9.30.2019

துளி . 249

சிறு தீண்டல்
சின்னதாக ஒரு முத்தம்
வேறு என்ன வேண்டும்
தீராதுயர் துடைக்க...

                                    29.09.2019

துளி . 248

தூய வெள்ளை
வெளிர் நீலம்
இளம் சிவப்பு
எந்த வண்ண உடையணிந்தாலும்
என்ன வயதானாலும்
என்ன வடிவாக இருந்தாலும்
கருணையை பொழியும்
செவிலியர்கள் எல்லோரும்
எக்காலத்திலும் தேவதைகளே.


                                                             27.09.2019

துளி . 247

கடுமையான
காவலரை போல
காலம் அவனை
மிகவும் குரூரமாக
விசாரணை செய்கிறது
தன் வாழ்நாள் முழுவதும்
தான் பொய்யென்று
நம்பியதை உண்மையென 
வாக்குமூலம் அளிக்கிறான்
அவன் மரணவலிதாளாமல்.

                                                     27.09.2019.

துளி . 246

அவன் அங்கங்கள்தோரும்
ஆசையோடு முத்தமிடுகிறாள்
மரண தேவதை.

                                                       19.09.2019.

துளி . 245

விவாதிக்க விரும்பாமல் 
வாதிட முற்படும்போது
மிக எளிதாக
நிகழ்ந்து விடுகிறது
விலகுதலும் 
விலக்கப்படுதலும்.


                                      13.09.2019

துளி . 244

சிரிக்கும் ரோசாக்களை
தன் உடையெங்கும் 
படரவிட்ட தேவதை
துயரம் தோய்ந்த 
தன் விழிகளை 
துப்பட்டாவால்
அழித்தி
துடைக்கிறாள்...                                                                                                                                                                                                                                                                                                                                          11.09.2019.

8.31.2019

பதிவு . 26

நீண்ட நாட்களுக்கு பிறகு ஒரே மூச்சில் வாசித்து முடித்த புத்தகம் அய்யனார் விஸ்வநாத்தின் ஓரிதழ்ப்பூ.
இந்த நாவலின் ஆரம்பத்தில் ஆண்களும் பெண்களும் அவர்களின் கனவுகளின் உச்சத்தில் மிதக்கின்றனர். கூடவே நாமும் மிதக்குபடியாகவே அய்யனார் மிகவும் சுவாரசியமான மொழியில் எழுதி செல்கிறார்.
குறிப்பாக மூன்று ஆண்கள், மூன்று பெண்களின் கதையும் காலம் மாறி மாறி முன்பு பின்னாக எழுதி சென்றாலும் நமக்கு குழப்பமில்லாமல் தெளிவாக கதையை சொல்லி முடிக்கிறார்.
முதலில் மாயமாக தோன்றிய வாழ்வு பிறகு எப்படி மண்ணோடு மண்ணாக பொருந்தி போகிறது என்ற வியப்பு இன்னும் என்னுள் இருந்து கொண்டேயிருக்கிறது.
ஓரிதழ்ப்பூக்கான விளக்கம் சிறப்பானது, அதை நீங்கள் வாசித்து உணர வேண்டும்.
இந்த நாவலை சிறப்பான அட்டை படத்தோடு கிழக்கு பதிப்பகம் வெளியிட்டுள்ளது.
முதல் பதிப்பு வெளியான 2017 ஆகும்.
இந்த நாவலை வாசிக்கும் வாய்ப்பை ஏற்படுத்தி தந்த நண்பர் ஜெகதீஸ்க்கு என் மனமார்ந்த நன்றிகள்.                                                                                                                                                                                                                                                                                                                                                                                                                                              23.08.2019.

துளி . 243

நானும் உன் 
நினைவுகளை 
அழித்துவிடவே 
விரும்புகிறேன்
அன்பே
அணு அணுவாய்
அழிவதை காட்டிலும்
அடுத்த கணமே
காணாமல்போதல்
நன்றல்லவா...                                                                                                                                                                                                                                                                                                                                               17.08.2019.

பதிவு . 25

சில திரைப்படங்கள் நாவலை போல இருக்கின்றன. சில நாவல்கள் திரைப்படத்தை போல இருக்கின்றன. இப்படி தோன்ற காரணம் அண்மையில் நான் வாசித்த இருபது வெள்ளைக்காரர்கள் என்ற புத்தகம். இது மூன்று குறுநாவல்களின் தொகுப்பாகும். இதன் ஆசிரியர் Ayyanar Viswanath. இவருடைய எழுத்தை இப்போதுதான் முதன் முறையாக வாசிக்கிறேன்.
பழி – வன்முறையை தேர்வாகா கொண்டவர்களின் வாழ்க்கை முறையை அல்லது வாழ்க்கை கதை அதன் அனைத்து பரிமாணத்தோடும் (காதல்,காமம்,ரத்தம்) மிகவும் விறுவிறுப்பான முறையில் சொல்லி செல்கிறார். அவரின் சொல்முறையில் நம்முள் ஒரு திரைப்படம் ஒடத் தொடங்கி விடுகிறது. இது உண்மையிலேயே தமிழ் இலக்கியத்தில் மிகவும் அபூர்வமான பதிவாகும்.
மழைக்காலம் – கடந்த பத்து வருடங்களில் ஆண் பெண் உறவில் ஏற்பட்ட மாற்றத்தின் ஒரு துணுக்கை இக்கதையில் காணலாம். அண்மை காலத்தில் நான் வாசித்த மிகசிறந்த காதல் கதை இதுவாகும். மிகவும் சுவராசியமான காதலும் காமமும் கலந்த நவீன வாழ்வின் பதிவாகும்.
இருபது வெள்ளைக்காரர்கள் – வாழ்க்கை கொண்டாட்டமானது. சில தருணங்களில் மிகவும் குரூரமானது. அப்படியான ஒரு வாழ்க்கையை வாழ நேர்ந்தவனின் கதையாகும் இது. இந்த கதையில் விரியும் நிலக்காட்சிகள் பிரமிப்பை தருகிறது.
அய்யனார் விஸ்வநாத்தின் எழுத்து மிகவும் எளிமையாகவும் சுவராசியமானதாகவும் இருக்கிறது. அதேசமயம் வாழ்வின் வலிகளையும் பதிவுசெய்கிறது.
இந்த நூலை வம்சி பதிப்பகம் சிறப்பான முறையில் வெளியிட்டுள்ளது. இதன் முதல் பதிப்பு 2011 ஆண்டு வெளிவந்துள்ளது.
இந்த நூலை எனக்கு அறிமுகபடுத்தியதோடு அதை வாசிக்கும் வாய்ப்பையையும் ஏற்படுத்தி தந்த நண்பர் Jega Deesan S எனது மனமார்ந்த நன்றிகள்.                                                                                                                                                                                                                                                                                                                                                               14.08.2019                                                                                                                                                                                                                                                                                                                                                                                                                                                                                                                                                    
Image may contain: 1 person, smiling

துளி . 242

கிராமத்தில்                                                                                                     நகரத்தானவனாகவும்
நகரத்தில் 
கிராமத்தானகவும்
உருமாறும் 
பச்சோந்தி அவன்...                                                                                                                                                                                                                                                                                                                                              01.08.2019

7.31.2019

துளி . 241

வறண்ட நிலத்தில் 
வீழ்ந்த பேரன்பில் 
துளிர்த்த பசுமை 
சிரிக்கிறது 
தேவதையை போல்...

                                             22.07.2019

துளி . 240

நா அழகானவளா
எனக்கு தெரியாது
ஆனால்
நான் அறிவாளி
நம்பிக்கையோடு 
சொன்னாள் அவள்
அவளுக்கு பதிலாக
அவன் சொன்னான்
தேவதையை
நேசிப்பது
பேரன்புக்காக
மட்டுமே...                                                                                                                                                                                                                                                                                                                                                   15.07.2019

துளி . 239

கடும்பாலை கடக்கும் 
கணந்தோரும் என்னுள்
தோன்றும் கனவெல்லாம் 
ஒன்றே ஒன்றுதான்
நீயும் நானும் 
ஒன்றாய் நீராடும்
நாளும் வாராதோ....                                                                                                                                                                                                                                                                                                                                          04.07.2019

6.28.2019

துளி . 238

முன்பொரு காலத்தில்
யாருக்கெல்லாம் உதவ
வேண்டும் என்று
பட்டியல் போட்ட மனம்
இப்போதெல்லாம்
யாரிடமெல்லாம்
உதவி பெறலாமென்று
பட்டியல் போடுகிறது
கனவுக்கும்
இருப்புக்குமாக
ஊசலாடுகிறது
வாழ்க்கை...                                                                                                                                                                                                                                                                                                                                                  23.06.2019

துளி . 237

கனவுலகவாசியின் 
வாழ்வுபோல் மிதக்கிறது 
வெண்மேகம்.                                                                                                                                                                                                                                                                                                                                                     22.06.2019

துளி . 236

அவள்
படிக்கும் வயதில்
அவளுக்கு
வழிக்காட்ட யாருமில்லை
படித்து முடித்து வேலைக்கு
அலைந்த காலங்களிலும் யாரும்
அவளுக்கு முன்வந்து உதவவில்லை
பருவங்கள் பல கடந்தும் காத்திருந்தாள்
ஒரு காவிய காதலுக்காக
காலம் நீரைப்போல காணாமல் போனது
எல்லாம் ஏமாற்றமாய் முடிந்த தருணமொன்றில்
பால்யத்தில் கைவிட்ட கனவுகளிலொன்றை
மீண்டும் கண்டெடுத்தாள் அவள்
கனவுகள் இன்னும் தேவைக்கான
காசுகளை சம்பாதிக்கவில்லை
அவளும் சோர்ந்து போகவில்லை
விரும்பிய இலக்கை நோக்கிய
பயணத்தில் இன்னும் வீழாதிருப்பதே
பேரானந்தம்தான் அவளுக்கு மட்டும்
எக்காலத்திலும் எவ்வகையிலும் அவளுக்கு
உதவாதவர்கள் அவளுக்காக பாரம் சுமப்பதாக இன்று பாவனை செய்கின்றனர்
அவளின் தெளிவு அவர்களை குழப்புகிறது
அவர்கள் பேராவலுடன் காத்திருக்கின்றனர்
அவளின் அவமானத்தை காண்பதற்காக
அனுபவ அறிவால்
அறியாமையின் இருளை
ஒளியாக்கி பயணிக்கிறாள் அவள்.
-சாருமதி                                                                                                                                                                                                                                                                                                                                                                                  13.06.2019

துளி . 235

தக்க தருணத்தை 
எதிர்பார்த்து எல்லோரும்                                                                                 காத்திருக்கின்றனர்
தன்னை நிரூபிக்க...                                                                                                                                                                                                                                                                                                                                        04.06.2019

5.31.2019

பதிவு . 24

முன்னொரு காலத்தில் எனக்கும் பக்தி இருந்தது, பிறகு நூலகம் சென்று வாசிக்க தொடங்கியபின் நாத்திகம், பகுத்தறிவு போன்ற சொற்களால் ஈர்க்கப்பட்டு அவ்வப்போது அந்த கருத்து சார்ந்து புத்தகங்கள் வாசிப்பது இயல்பாகிவிட்டது. கடவுள் நம்பிக்கை காணாமல் போய் கடவுளின் தோற்றம் பற்றிய கருத்துகளை அறியவேண்டும் என்ற ஆசை வளரதொடங்கிவிட்டது.
அப்படி அண்மையில் வாசித்த புத்தகம் அஸ்வகோஷின் " கடவுள் என்பது என்ன...? "
இது நாத்திக பிரச்சார நூல் அல்ல. ஆனால் பகுத்தறிவுவாதம் பேசுபவர்களுக்கு இது பக்கபலமாக இருக்கும். எல்லாவற்றையும் அறிவியல் கண்கொண்டு பார்க்க சொல்கிறது இந்த புத்தகம்.
இந்த பூமி எப்படி தோன்றியது, தாவரங்கள், விலங்கினங்கள் எப்படி தோன்றின, மனித இனம் எப்படி உருவானாது, கடவுள் என்ற கருத்து எப்போதும் உருவாகியிருக்கும், அது எதனால் நிலைநிறுத்தப்பட்டிருக்கும், மதம் தோன்றிய வரலாறு என எல்லாவற்றையும் விஞ்ஞானம் எப்படி நிறுவுகிறது என்று இந்த புத்தகம் மிக எளிய முறையில் விளக்ககுகிறது.
பொருள் முதலில் தோன்றியதா, கருத்து முதலில் தோன்றியதா என்ற விவாதம் இந்த நூலின் சிறப்பம்சம். இரண்டையும் தர்க்கபூர்வமான முறையில் நிறுவியுள்ளார்.
பொருள் முதல்வாதி என்பவன் யார், கருத்து முதல்வாதி என்பவன் யார், சமூகத்தின் வளர்ச்சியில் அல்லது மானுட வளர்ச்சியில் ஆக்கபூர்வமான மாற்றம் இந்த இருவரில் யாரால் நிகழ்த்தப்பட்டுள்ளது என்பதையெல்லாம் மிகவும் சிறந்த முறையில் இந்நூல் விளக்குகிறது.
மிகவும் சிக்கலான அறிவியல் கருத்துகளை எளியமுறையில் விளக்கமாக அஸ்வகோஷ் எழுதியுள்ளார்.
அறிவியல் கருத்துகளை மக்களிடம் கொண்டு சேர்க்க இதுபோன்ற முயற்சிகள் தொடர்ந்து தேவைப்படுகிறது. மதத்தின் பேரால் மக்களை பிரிக்கும்போது அவர்களை ஒன்று சேர்க்க அறிவியல் சார்ந்த கருத்துக்களே மிகவும் உதவியாக இருக்கும்.
இந்நூலை அலைகள் பதிப்பகம் சிறந்த முறையில் பதிப்பித்து வெளியிட்டுள்ளது.                                                                                                                                                                                                                                                                                                                        28.05.2019

துளி . 234

கொன்றுவிடுவேன்
கோபத்தில்
உச்சரிக்கிறாய்...
என்னைக் கொல்
என் அன்பே
உன் பேரன்பால்...                                                                                                                                                                                                                                                                                                                                             24.05.2019

4.27.2019

பதிவு . 23

எங் கதெ – இமையம்
‘’ மனிதன் மகத்தான சல்லிப் பயல் “ - ஜி.நாகராஜன்.
இமையத்தின் கதைகளம் பெரும்பாலும் கடலூர் மாவட்ட கிராம வாழ்வு சார்ந்து இருக்கும். புறக்காட்சிகள் துலக்கமாக இருக்கும். ’’ எங் கதெ ‘’ நாவல் அல்லது நெடும்கதையும் அங்குதான் நிகழ்கிறது. ஆனால் இதில் அக உணர்வு சார்ந்து மேலோங்கியுள்ளது.
இமையம் ஒரு மனிதனின் கதையை சொல்வதினூடாக சமூகத்தின் எழுச்சியையும் வீழ்ச்சியையும் மிக நேர்மையாக தன் படைப்புகளில் தொடர்ந்து ( கால் நூற்றாண்டு ) பதிவு செய்து வருகிறார்.
ஒரு ஆண் திருமண பந்தத்துக்கு வெளியே ஏற்படுத்திக்கொண்ட உறவினால் அடையும் இன்பம் துன்பம் பற்றிய கதைதான் இது என்றாலும் மனித உறவுகளின் சிக்கல்களையும், குடும்பம் தரும் பாதுகாப்பையும் இந்த கதையில் காணலாம்.
ஒரு குற்றவாளி தன் பக்க நியாயத்தை வாக்குமூலம் கொடுப்பதுபோல இந்த கதையின் நாயகன் (விநாயகம்) தனக்கும் கமலாவுக்கும் இருந்த உறவின் கதையை தொடக்கம் முதல் இறுதி வரை சொல்கிறான். பதின் பருவத்தில் மட்டுமல்லாமல் எல்லா காலத்திலும் மனிதர்கள் காதல் அல்லது காமம் சார்ந்து ஈர்ப்போடுதான் இருக்கின்றனர். இதனாலேயே வாழ்வு ஒரே சமயத்தில் மகிழ்ச்சியாகவும், துன்பமாகவும் இருக்கிறது.
விநாயகத்தின் வாழ்விலும் அப்படிதான் முதலில் எது அவனுக்கு பெரும் மகிழ்சியை தந்ததோ அதுவே பிறகு பெரும் துன்பத்தையும் பரிசளிக்கிறது. எதை கண்டு அவன் கொலைவெறிக்கு உள்ளாகிறானோ, அதுதான் பிறகு அவனை விலகி செல்லவும் தூண்டுகிறது.
வாசிக்க தொடங்கியதும் ஒரே மூச்சில் வாசித்துவிட தூண்டும் வகையில் இமையம் சிறப்பாக கதை சொல்லியுள்ளார். ஆனால் வாசித்து முடித்த பின் வாழ்வு சார்ந்து நம்முள் ஏற்படும் சிந்தனை ஒரே நாளில் முடிந்துவிடாது. வழக்கம் போல் க்ரியா பதிப்பகம் இந்நூலை சிறப்பாக பதிப்பித்துள்ளது.

துளி . 233

பிரியமானவர்கள்
கைவிட்ட நிலையிலும் 
தொடர்கிறது பயணம்...

                                  26.04.2019

பதிவு. 62

  முன் கூறப்பட்ட சாவின் சரித்திரம் - காப்ரியேல் கார்சியா மார்க்கேஸ். முதல் பகுதியை படிக்கும்போது பெரும் குழப்பமாக இருந்த இந்த குறுநாவல் மூன்...