8.29.2018

வரி . 08

காலதாமதம் என்பது வாழ்வின் எந்தநிலையிலும் ஏமாற்றத்தை தான் பரிசளிக்கும்.

                                                                                                                  29.08.2018

துளி . 182

தன்னை தீண்டி
தீயிட போகும்
தேவதைக்காக காத்து
நிற்கிறது அந்த
ஒற்றை மெழுகுவர்த்தி

                                                  27.08.2018

திரை . 03

மேற்கு தொடர்ச்சி மலை -  தமிழ் பெருமிதம்

''மேற்குத் தொடர்ச்சிமலை" திரைப்படம் தமிழ் பெருமிதங்களில் ஒன்றாகிவிட்டது. அந்த மலையோர மக்களின் வாழ்வை உண்மையாக பதிவு செய்துள்ள இயக்குனர் லெனின் பாரதி பாராட்டுக்கும் போற்றுதலுக்கும் உரியவர்.
இருளை,பசுமையை,வரட்சியை, மழையை, வயோதிகர்களின் பேரழகை என அனைத்தையும் சிறப்பாக பதிவு செய்துள்ளார் ஒளிப்பதிவாளர் தேனி ஈஸ்வர்.
காட்சியின் உணர்களை மேலும் வீரியமிக்கதாக மாற்ற இளைராசாவின் பின்னணி பேருதவியாக இருக்கிறது.

மேற்குத் தொடர்ச்சி மலை திரைப்படத்தை பார்த்து முடித்தவுடன் என்னுள் பேரமைதியை உணர்ந்தேன்.
இது புயலுக்கு பின்வரும் அமையில்லை அல்லது இது இயலாமையினால் ஏற்பட்டதுமல்ல.
ஏன் இப்படி நடக்கிறது, இதை தடுக்க முடியாதா, இதற்கெல்லாம் யார்யார் காரணம், மனித வாழ்வை சூறையாடிதான் மாறுதல் வருமா, அப்படியானால் கடவுளின் நிலையென்ன,கோட்பாடுகளின் கதியென்னா, என்னவாகும் மானுடரின் எதிர்காலம் என்று முடிவில்லா கேள்விகளை என்னுள் எழுப்புகிறது இத்திரைப்படம்.

                                                                                                                        25.08.2018.

துளி . 181

பேரண்டத்தை 
நிரப்புவோம்
பேரன்பால்...

                        24.08.2018

வரி . 07

ஒரு போராளியின் பலம், 
அவனது உடல் வலிமை சார்ந்து அல்ல, 
அவனது மனவலிமை சார்ந்தது.

                                                                             21.08.2018

பதிவு. 62

  முன் கூறப்பட்ட சாவின் சரித்திரம் - காப்ரியேல் கார்சியா மார்க்கேஸ். முதல் பகுதியை படிக்கும்போது பெரும் குழப்பமாக இருந்த இந்த குறுநாவல் மூன்...