துளி - 404

இருளில் இருந்து ஒளிக்கு,

பள்ளத்தில் இருந்து மேட்டுக்கு,

அவநம்பிக்கையில் இருந்து நம்பிக்கைக்கு,

துன்பத்தில் இருந்து இன்பத்திற்கு

சிலருக்கு நேர்முகமாகவும்

சிலருக்கு எதிர்முகமாகவும்

தொடர்கிறது இந்த பயணம்.

11.04.2025.

துளி - 403

கண்ணாமூச்சு

உனது அலைபேசியில்

எனது பெயரும்

எனது அலைபேசியில்

உனது பெயரும்

பதிவு செய்யப்பட்டிருக்கிறது

நீண்ட காலத்தித்கு முன்பே

யார் முதலில் அழைப்பது

தயக்கம் இருக்கிறது

இருவரிடமும்

ஆனால்

எதிர்பாரா சந்திப்புகளில்

உரிமையோடு கேட்டுகொள்கிறோம்

நீ ஏன் அழைக்கவில்லை.

காலத்தை நடுவில் வைத்து

கண்ணாமூச்சு விளையாடுகிறோம்.

-10.04.2025.