துளி. 417

சதி கோட்பாடுகளை

நம்பியதே இல்லை நான்

நம் உறவில்

முதல் கீறல் விழும் வரை

கீறல் விரிசலாகி

விட்டு விலகிய பின்தான்

உணர்கிறேன் நடந்தேறிய சதிகளை

அதன் தொடக்க புள்ளி நீ

என்பது எனக்கு பேரதிர்ச்சிதான்

பேரன்புக்கு நீ கொடுக்கும்

பரிசுபோலும் இது

வாழ்க நலமுடன்.

26.02.2026. 

துளி. 416

சிலருக்கு முடிவில்லாத

இன்பத்தையும்

சிலருக்கு முடிவில்லாத

துன்பத்தையும்

வாரி வழங்குகிறது

முதல் காதல்.

11.02.2026

துளி. 415

 ஒவ்வொரு நாளும்

உயிர்த்தெழுகிறேன்

உன் நினைவுகளால்...

10.02.2026

துளி. 414

ஒரு கரையில் நீ

மறுகரையில் நான்

நமக்கு இடையே

ஓடுக்கின்ற மாய நதி

நம் காதல்.

07.02.2026.

துளி. 413

இது காதலுக்கான மாதம்

இல்லை

இது காதலர்களுக்கான மாதம்

அன்பை பெறுவதும்

அன்பை தருவதும்

இம்மாதத்தின் சிறப்பு

கைத்தலம் பற்றியவர்கள்

களிப்புற்று வாழ்க

கனவுகளோடு காத்திருப்போரின்

கனவுகள் விரைவில் நனவாகுக...

01.02.2016