ஹிட்ச்காக் & த்ரூபோ உரையாடல் பாகம்.1
இந்த ஆண்டின் முதல் புத்தகமாக ஹிட்ச்காக் உடன் த்ரூபோ நடத்திய நேர்காணலின் புத்தக வடிவமான இந்த புத்தகத்தை படித்து முடித்தேன். இந்த நேர்காணல் குறித்து ஏற்கனவே கேள்வி பட்டிருந்தாலும் தமிழில் இல்லாததினால் படிக்க முடியாமல் இருந்தது. தமிழ் ஸ்டுடியோ அமைப்பின் பேசாமொழி இணைய இதழில் இதன் மொழிப்பெயர்ப்பு வந்தபோது ஆர்வமாக இரண்டு பகுதிகள் மட்டும் படித்து இருந்தேன். இப்போது முழுமையாக இரண்டே அமர்வில் படித்து முடித்தேன்.
சரியாக நூறு ஆண்டுகளுக்கு முன்பு ஹிட்ச்காக் தனது திரை பயணத்தை தொடங்கி இருக்கிறார். மெளனப்பட காலத்தில்(1922) தொடங்கி அவர் இறப்பதற்கு நான்கு ஆண்டுகளுக்கு(1976) முன்புவரை திரைப்படம் இயக்கி இருக்கிறார். இந்த புத்தகத்தில் அவரின் பிறப்பு முதல், அவரின் படிப்பு, வேலை, அவர் எப்படி சினிமாவுக்குள் வந்தார், அவரின் முதல் பட அனுபவம் மற்றும் ஆரம்பகால திரைப்படங்கள் வரை உரையாடல் நீள்கிறது.
ஒரு கதையை சஸ்பென்ஸூடன் எப்படி சொல்வது என்பதற்கு ஹிட்ச்காக் கொடுக்கும் விளக்கம் அற்புதமானது. அவரின் முதல் பட படபிடிப்புக்கு சென்று வந்த அனுபவம் மிகவும் சிக்கலானது. அந்த சிக்கல்களை அவர் எப்படி எதிர்கொண்டார் என்பதில்தான் அவரின் மேன்மை வெளிப்படுகிறது. சுமார் 85 பக்கங்களே உள்ள இந்த புத்தகத்தில் ஏராளமான தகவல்கள் நிறைந்துள்ளது.
தீஷாவின் மொழிபெயர்ப்பு சிறப்பாக இருக்கிறது. இந்த புத்தகத்தினை பேசாமொழி பதிப்பகம் சிறப்பாக வெளியிட்டுள்ளது. இதன் முதல் பதிப்பு 2022-ல் வெளியாகியுள்ளது.
இந்த புத்தகம் படிக்கும் வாய்ப்பை உருவாக்கி தந்த நண்பர் பாபு கோவிந்தராஜ் -க்கு என் மனமார்ந்த நன்றிகளை தெரிவித்துக் கொள்கிறேன். 
- 03.01.2024.
- 03.01.2024.
கருத்துகள் இல்லை:
கருத்துரையிடுக